المصريون بناة الأهرامات ونص كمان

زائر

إنتشر على النت بحث لشخص يدعي إسمه ( محمد سمير عطا) بيدعي فيه أن قوم عاد هم بناة الأهرامات وليس الفراعنة القدماء ، وللاسف انتشر البحث ده وناس اخدته ووضعته فى منتديات ووصل لمزيكا تو داي كمان ، لكن الفكرة هى موش قبل ما أرفض أو أقبل أى شىء لازم نسأل الناس المتخصيين فى الموضوع ده ولا يصبح التاريخ المصري لعبة فى يد أى حد يقول اللى هو عايزه ، وكمان يخدع الناس بأيات قرأنية يفسرها على هواه .. أنا إنسانة لست متخصصة ولكن فى حدود معلوماتي لم أرتح للكلام بتاع المؤلف ده لأنه فاقد للمنطقية وحوله أكثر من علامة إستفهام
ومن ضمن التساؤلات اللى وضعتها حول البحث ده الأتي ..
1-أقول إن مفيش شك أن الفراعنة هم اللى بنوا الاهرامات .. وفى المتحف المصرى فى برلين توصلوا الى فك احد الاقنعة لمومياء مصرية ..بمعاملته بسوائل كيمائية .. هذا القناع الذى كان يصنعه قدماء المصريين الذى نطلق عليهم " الفراعنة "لتغطية جثة المتوفى بعد تحنيطه والجيد منها يحمل صورة المتوفى لمهارة الرسام او صانع الماسك .. كانو يصنعونه من اوراق البردى المستعمله .. ونحن فى مصر الآن نقلد ما كانوا يعملون فيصنع البعض اقنعة الموالد والاعياد من الجرائد القديمة ..وورق الكتب والمجلات القديمة .. والحمد لله ما استعمله العلماء بالمتحف من مواد كيميائية .. حافظ على الاوراق والكتابة الهيروغلافية المكتوبه عليها وعندما ترجموها وجدوها ايصالات قديمة لاستلام عمال بناء الهرم لاجورهم .. وحكايات قوم عاد والادعاءات التى جاءت بما وصفه البعض ب " البحث " لا تمت للأبحاث بصله على الاقل لأغفاله النصوص الكثيرة المحفورة على الاثار كلها .. وللأسف الشديد يحشر الكاتب بعض الايات القرآنية ويفسرها حسب هواه والقرآن من آى تزوير.. براء ومنزه ..

2- عندي سؤال .. هو علشان يعنى الاحجار كان حجمها كبير هل من الضرورة أن يكون اللى بنوها أحجامهم كبيرة ! مين يقدر يا جماعة يجزم بده ؟! .. وكوننا نجهل الطريقة اللى بنى بيها الفراعنة الأهرامات ده لا يعنى إطلاقاً أننا نقول أن موش هم اللى بنوها علشان احجامهم لا تسمح بده ! ولو على نفس التفكير ده يبقى لازم نقول إن اللى بنوا ناطحات السحاب دول ناس 7 متر فى الطول .. يا جماعه كل عصر وله إمكانياته .. وكتير من أساتذة الهندسة المعمارية عندهم اعتقاد جازم ان الفراعنة استخدموا عمليات الرفع الهيدروليكي فى رفع الأحجار .. مين يا جماعه أصلا عارف علم الفراعنة وصل لفين ؟! ..دلوقتى ثبت إن فيه هناك مصارف مائية كانت تصل ما بين أهرامات الجيزة الثلاث وما بين أسفل الوادي أو نهر النيل ..وده معناه ان الفراعنة استخدموا طريقة الرفع الهيدروليكي .. وعايزة أقول حاجه إن اكتشفوا برضه صور ورسومات هندسية توضح بجلاء تام نظام المصارف المائية من أعلى هضبة الجيزة حتى أسفل الوادي وبدون هذه المصارف الضخمة كان لا يمكن التحكم في مناسيب كميات المياه الهائلة اللازمة لعمليات البناء المختلفة وعمليات الرفع بالقوى الهيدروليكية ..نلاحظ أيضا وجود عدد من السفن بجوار قواعد الأهرامات وأعلى الهضبة لإستخدامها في عمليات البناء المختلفة!

3- السؤال الهام .. أين كان يسكن قوم عاد ؟! قوم عاد كانوا يسكون فى الجزيرة العربية والقرأن الكريم يقول (وَاذْكُرْ أَخَا عَادٍ إِذْ أَنذَرَ قَوْمَهُ بِالْأَحْقَافِ وَقَدْ خَلَتْ النُّذُرُ مِن بَيْنِ يَدَيْهِ وَمِنْ خَلْفِهِ أَلَّا تَعْبُدُوا إِلَّا اللَّهَ إِنِّي أَخَافُ عَلَيْكُمْ عَذَابَ يَوْمٍ عَظِيمٍ ((الأحقاف21 )) قال ابن كثير هود عليه الصلاة والسلام بعثه الله عز وجل إلى عاد الأولى وكانوا يسكنون الأحقاف جمع حقف وهو الجبل من الرمل قاله ابن زيد وقال عكرمة الأحقاف الجبل والغار و قال علي بن أبي طالب رضي الله عنه الأحقاف واد بحضرموت يدعى برهوت .. الكتاب لا يستند لأي حقيقة أو معلومة تاريخية، وكل ما يعتمد عليه هو تفسيره الخاص لبعض الآيات القرآنية. المؤلف جاهل تمامًا بالتاريخ القديم.. فقط ربما لإثبات أن الحضارة المصرية ممتدة لـ 70000سنة وليس 7000 سنة كما جاء في واجهة البحث ..

والحقائق كثيرة جداً يا جماعة أن الفراعنة لاشك هم بناة الأهرامات .. لكن بلاش ننساق وراء أى كلام حتى ولو كان ظاهره منطقى ونحيل الأمر للمتخصصين ..ولا نقحم القرأن الكريم فى هذه الأمور ونفسر الايات على هوانا كما يفعل المؤلف بتاع الكتاب ده

زائر