عندي دروس خطيره متفووتكومش يا بنات .. شوفو اللي مقهوره, واللي عايزه تنتقم , واللي عايزه ترفع ضغط اخوها تتبع الخطوات التاليه
*** عند التلفزيون ***
اذا كان فيه مباراه , والاخ متحمس اقطعي الحماس ده ازاى انا اقولك ..
شوفي اذالاقتيه مبقق عوينه ومش همه حد يعني لو جبتى صاروخ وفجرتيه قدامه ومخدش باله اعرفي انه منسجم ,
بس هنا بقى تقومى بشغلك.. قال يعنى البت ست بيت اوى وبتحب النظافه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ومتدلوش فرصه يشوف كويس,
واذا قالك ابعدى قوليله انا عايزه انضف ولا اسيب البيت مبهدل يعنى، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسي قدام التلفزيون وغطي عليه.. ولا يهمك احد..
واذا قال: ابعدي لا اضربك فى وشك قوليله احنا جايلنا ضيوف انهارده . . العبي عليه حتى لو مش جايلكم حد , والا خليكى قاعده وافتكرى ان الكيك فى الفرن واتحرق وقومى واجرى بسرعه وانت بتجرى خدى الفيشه بتاعت التلفزيون معاكى
ومتبصيش وراكى. .
*** عند النوم ***
طبعا البيه بيكون نايم ويشخر كمان دى فرصتك بقى نادى على الاطفال اللى عندكم فى البيت وكمان اطفال الجيران وخليهم يلعبو فوق دماغه
واقفلى الباب عليهم كمان
واذا زعق قوليله ده الاطفال احباب الله ههههههههههه
والا تعالي وهو في سابع نومه وافزعيه الفزعه اللى ميقومش بعدها ابدا وبكل برود قوليله ها عايزين نخرج بقى
*** اذا المزاج صفر ***
اذا شفتيه ملوش خلق او مدايق اوعى تخافى دى فرصتك انك تنتقمى منه يعنى خلى دمك تقيل بس خلى بالك انه ممكن يحدفك بااى حاجه فى ايده خدى بالك كويس
المهم.. اضحكي على شكله وعلى قاعدته و على لبسه .. واذا قالك غورى من قدامى احسن انتى عارفه ايه اللى هيحصلك متسكتيش وقوليله بكل برود ولو مسكتش يعنى هتعمل ايه ولو قام يوريك هيعمل فيكى ايه انتى عارفه طبعا خدى ديلك فى سنانك واجرى على اوضتك على طول وبكده انتى رفعتى ظغط دمه على طول
وقت المعركه
اليوم ده لازم تكوتى جاهزه فيه وياريت لو تلبسى ترنج وتلمى شعرك كله وتنزليش منه ولا خصله وياريت لو تبقى حاطه عليه حنه عشان ميعرفش يمسكك منه خالص
واهم حاجه فى الموضوع مفتاح الاوضه بتاعتك لازم يكون جاهز فى لحظه
اذا بدت المعركه حطي راسك براسه ومتبينيش له انك خايفه وبققي عوينك فيه واذا قالك انا اللى فى راسى طرااااااااااااااااااااااااخ
اوعى تستسلمى واديله با البوكس فى عينه عشان مايشوفكيش خالص ومفيش من مانع من شلوتين كده على الماشى وبعد كده على طول على اوضتك ويادار مدخلك شر بس نصيحه ليكى خليكى يومين كده فى اوضتك عشان هوه طبعا هيبقى عامل زى التور الهايج وعايز ينتقم لكرامته.
على فكره انا مليش دعوه لو واحده فيكم حصلها حاجه كل واحده تخلى بالها من نفسها